Ўзбекистон Трснспорт, йўл ва капитал қурилиш, қурилиш индустрияси ходимлари касаба уюшмаси Самарқанд вилоят кенгаши тасарруфидаги корхона, ташкилот ва муассасаларда ҳам “11-ноябр Касаба уюшмалари куни” кенг нишонланди.     Қарийиб икки ҳафта олдин, яъни ноябр ойининг бошиданоқ бошланган байрам тадбирлари бугунги кунда ҳам давом этмоқда.

 Тадбирлар давомида, тармоқ тизимидаги бошланғич касаба уюшма ташкилотлари томонидан меҳнат жамоаларида турли маданий-маърифий (концерт, спектакллар, ҳар хил учрашувлар)тадбирлар, спорт тадбирлари, кесалар, меҳнат фахрийлари ҳолидан хабар олиш, фахрийлар, ходимлар ва улар оила аъзоларининг саёҳатларини юштириш, касаба уюшмалари ва жамоатчилик орасида фаол бўлган фахрий ва ходимларни тақдирлаш каби тадбирлар кўтаринки руҳда ўтказилди.

 Хусусан:   -тармоқ тизимидаги автомобил йўллари, қурилиш ва транспорт бошқармалари тасарруфидаги ҳамда ўқув муассасаларидаги бошланғич ташкилотлар томонидан иш берувчилар билан ҳамкорликда меҳнат жамоалари аъзолари учун маданий-маърифий тадбирлар (концерт ва спектакллар намойиши, шоир, олим ва меҳнат фахрийлари билан учрашувлар) ўтказилиб уларда 2000дан ортиқ ходимлар ва талабаларнинг иштироки таъминланди;

  -вилоятнинг тармоқ тизимидаги корхона, ташкилот ва муассасаларида турли хил спорт тадбирлари, жумладан стол тенниси, шахмат-шашка, мини-футбол ва волейбол турлари бўйича турли спорт мусобақалар ўтказилиб, уларда 1500га яқин ходимлар ва уларнинг оила аъзоларининг иштироки таъминланиб, ғолиблар касаба уюшмалари ва иш берувчиларнинг қимматбаҳо совғалари ва диплом ҳамда фахрий ёрлиқлари билан тақдирландилар;

 -меҳнат жамоалари ва касаба уюшмаларида узоқ йиллар самарали меҳнат қилган 100 нафардан ортиқ меҳнат фахрийлари ва нафақахўрлар ҳолидан хабар олиниб, уларга совға-саломлар тақдим этилди, шунингдек, меҳнат жамоаларида ташкил этилган байрам дастурхонларига таклиф этилиб, эсдалик совғалари ҳамда иш берувчи ва вилоят ҳамда бошланғич касаба уюшмаларининг фахрий ёрлиқ ва ташаккурномалари тақдим этилди;

 Шу билан бир қаторда, байрам арафасида вилоят касаба уюшмалари бирлашмаси қошида ташкил этилган “Касаба Самарқанд” унитар корхонаси сайёҳлик агентлиги билан ҳамкорликда 200 нафарга  яқин тармоқ ходимлари ҳамда улар оила аъзоларининг Республикамизнинг Шаҳрисабз, Нурота каби шаҳарлари ҳамда Самарқанд вилоятидаги диққатга сазовор қадамжоларига саёҳатлари уюштирилди.

Шунингдек, тармоқнинг вилоят кенгаши тизимида бўлган олий ҳамда ўрта махсус ўқув юртлари меҳнат жамоаларида талаба ёшлар иштирокида “Зукко китобхон” китобхонлик кечалари ва танловлари ташкил этилиб, энг яхши китобхонларга иш берувчи ва касаба уюшмалари томонидан китоблар жамланмалари тақдим этилди.