Тармоқ касаба уюшмаси тизимидаги бошланғич касаба уюшмаси ташкилотлари ўртасида ўтказилган “Электр энергияси ва ёқилғи-энергетика ресурсларини тежаш бўйича энг яхши бошланғич касаба уюшма ташкилоти кўрик-танлови”нинг Қашқадарё вилоят босқичида ғолиб бўлган Янги турдаги темир-бетон техналогияси масъулияти чекланган жамияти касаба уюшма қўмитасининг хўжжатлари танловнинг Республика босқичида ҳам иштирок этиш учун тақдим этилган эди. Республика босқичи натижаларига кўра тармоқ касаба уюшмаси Республика Кенгашининг 2025 йил 28 мартдаги 17-34 “с” сонли раёсат қарорига асосан тармоқ касаба уюшмаси Қашқадарё вилоят кенгаши тизимидаги Янги турдаги темир-бетон техналогияси масъулияти чекланган жамияти касаба уюшма қўмитаси 1-ўрин ғолиби дея қайд этилиб, республика Кенгашининг дипломи ва эсдалик совғалари билан тақдирланди.