Тармоқ   корхона ва ташкилотларининг ходимларининг  саломатлигини  тиклаш,  уларни спорт  соғломлаштириш  тадбирларига  кенг  жалб   қилиш, тармоқ ташкилотлари  Сурхондарё  вилоят  бирлашган    касаба   уюшма  қўмитасининг  асосий фаолиятидан бирини ташкил этади.

Ходимларни спорт  соғломлаштириш  тадбирларига  кенг  жалб  килиш  мақсадида “Термиз Дарё Порти” маъсулияти чекланган жамиятида мунтазам тадбирлар ташкил этилмоқда. Куни кеча  “Спорт Саломатлик гарови”  шиори остида минифутбол  спорт мусобақаси  ўтказилди. Мазкур  мусобақанинг саралаш босқичида  корхона ходимлари фаол  иштирок  этишди.  Минифутбол  мусобақасининг финал босқичида корхона ходимларидан ташкил топган икки жамоа ғолиблик учун кураш олиб бордилар.

Тадбир  якунида  ғолиб  жамоага   Вилоят  бирлашган    касаба    уюшма   қўмитаси   ҳамда   “Термиз Дарё Порти” маъсулияти чекланган жамияти маъмуриятининг қимматбахо  совғалари ва дипломлари  тақдим  этилди.