Ўзбекистон  транспорт,  йўл   ва  капитал  қурилиш, қурилиш  индустрияси  ходимлари  Сурхондарё  вилоят  бирлашган  касаба   уюшма  қўмитаси  ҳамда Сурхондарё вилоят Хокимлиги Маънавият тарғибот маркази  билан биргаликда Ўзбекистон  Республикаси  Президенти  Шавкат Мирзиёевнинг “Буюк келажагимизни мард ва олижаноб халқимиз билан бирга қурамиз” китобининг тарғиботига бағишланган маънавий-маърифий тадбирини  ўтказди. 

Тармоқ тизимидаги Жарқўрғон Какайди транспорт ва алоқа касб хунар коллежида бўлиб  ўтган тарғибот тадбирида тартиб-интизом, инсон ҳуқуқ ва эркинликларини таъминлаш, тинчлик ва хавфсизликни мустаҳкамлаш, жамиятимизда миллатлар ва динлараро ҳамжиҳатлик, ўзаро ҳурмат ва меҳр-оқибат муҳитини янада мустаҳкамлашда муҳим қўлланма ва дастур вазифасини ўташини таъкидлади.

Тадбирда иштирок этган Ўзбекистон халқ ва хизмат кўрсатган артистлар, маданият ходимлари, Ўзбекистон халқ шоир ва ёзувчилари ўқувчи ва талаба ёшларга мустақилликка қадар бўлган давр ва мустақилликдан сўнг эришилган ютуқлар, амалга оширилган кенг кўламли ислоҳотларни солиштириб, «жонли мисоллар” билан таъсирчан руҳда гапириб берди. Ёшлар орасидан вакиллар ҳам сўзга чиқиб, бугунги кунда халқаро мусобақа ва танловларда эришган ютуқлари, юзага келаётган имкониятлар тўғрисида сўзлаб, тенгдошларини яратилган имкониятлардан тўлиқ фойдаланишга,  Ватанга, жамиятга муносиб фарзанд бўлишга чақирдилар.