Жорий йилнинг 25 апрель куни Тошкент архитектура қурилиш институти “Архитектура” факультети кўргазмалар залида “Энг ёш архитектор” кўрик танловининг якуний бошқичи бўлиб ўтди.

Танлов “Ўзбекистон Республикасида 2016 йилда ёшларга оид давлат сиёсатини амалга оширишга қаратилган қўшимча чора тадбирлар дастури”, “Соғлом она ва бола йили” давлат дастури ижросини таъминлаш ҳамда академик лицей ва касб-ҳунар коллежларида архитектура йўналишида таҳсил олаётган иқтидорли ўкувчиларнинг ижодий ишларини мутахасислар орасида кенг тарғиб қилиш мақсадида уюштирилди.

Танловда Тошкент архитектура қурилиш институти қошидаги Акадимек лицей, Тошкент архитектура қурилиш касб-ҳунар коллежи, Тошкент қурилиш коммунал касб-ҳунар коллежи, Яшнобод қурилиш касб-ҳунар коллежи, Қўйи Чирчиқ қурилиш ва уй-жой коммунал хўжалиги касб-ҳунар коллежи, Бекобод шаҳар қурилиш ва коммунал хўжалиги касб-ҳунар коллежи, Чирчиқ қурилиш ва коммунал хўжалиги касб-ҳунар коллежи, Чиноз туман қурилиш ва иқтисодиёт касб-ҳунар коллежи иқтидорли ўқувчилари, архитектуравий бинолар макетлари, тураржой ва жамоат бинолари лойиҳалари, турар жой ва жамоат бинолари интеръерлари ва экстъерерлари номинацияларида ўзларининг ишланмалари билан иштирок этишди.

Кўрик-танлов якуни бўйича ғолиблар эсталик совғалари билан тақдирландилар.