Транспорт, йул ва капитал қурилиш, қурилиш индустрияси ходимлари Наманган вилояти ташкилотларининг Бирлашган касаба уюшма қўмитасининг бошланғич касаба уюшма ташкилоти — «Қамчиқавтойўл ихтисослаштирилган йўллардан фойдаланиш” унитар корхонасининг ишчи-ходимларига жорий йилнинг 1 ва 8 февраль кунлари Наманган вилояти драма театри актёрлари томонидан “Матмуса” ҳамда “Азиз” номли театр томошаларини намойиш этилди.

— Доноларимиз бекорга “Маънавий озуқа руҳни даволайди”, деб бежиз айтишмаган, дейди корхона касаба уюшма қўмитаси раиси Мамиржон Назиралиев, — ҳар бир ходимларимизда ушбу томошалар катта таассуротлар қолдирди, — Айниқса, улар оила-аъзолари билан бундай театрларга камдан кам келганликларини ҳам уларнинг ҳаёжонларида акс этиб турарди. Раҳбариятимиз ҳамда касаба уюшмаси томонидан доимий бундай маданий ҳордиқлар ҳар бирларининг ҳаётида ёрқин акс этади, деган умиддаман.